隨著Google整合串流音樂實力，力谷 YouTube Music ，低調到無咩人理的 Google Play Music 正式壽終正寢，Google 公布服務將轉移到 YouTube Music，10月份完全終結 Google Play Music 完成歷史過渡，以後所有付費用家和功能會被轉移去 YouTube Music，算得上係Android用家串流音樂的新世代消息，你無聽過無理過 Google Play Music同YouTube Music？正常呀，Google係串流音樂世界還需努力！

根據Google 公布服務轉移的時間，由 2020 年 8 月起就唔可以透過 Google Play Music 購買音樂，10 月開始終結服務，而到了 12 月全球就完全關閉整個服務，提一提用家們必須係12月前備份好自己放在上面的檔案。

Google Play Music 話 Google 保證會先讓付費用家提前做好準備，係幾個月前就開始輔導同提醒用家將 Play Music 的資料無痛轉移到 YouTube Music，只要點選轉移按鈕，就可以將歌曲、播放清單、創作者、專輯、已購買內容等通通加入 YouTube Music。另外 Google 也開始發送email通告服務關閉消息以及備份轉移措施。

有付費訂閱 Google Play Music 的朋友，Google 會係服務終止前結束訂閱收費，而出廠系統為 Android 10 之後版本的新手機，都已經內建 YouTube Music 取代 Play Music 。提一提大家備份真係好重要，尤其係你的珍貴回憶同相片、影片等放左上社交媒體的紀錄，你未必估到未來會有咩野社交媒體忽然玩完或要退出市場，未必有時間畀大家作無痛一制轉移，自己睇路先將重要的備份好！