《EVA 新世紀福音戰士》的聯乘產品向來特別好賣，八年前《福音戰士新劇場版：Q》就開始推出眼藥水合作商品，引發大量話題同搶購，今時今日『人類爽快化計劃』又來啦！睇個款肯定又會大賣特賣，眼藥水主打賣點係極爽快，不過宣傳已成功引發眼球爽快，呢四款眼藥水確實係好吸引。

今次爽快系的眼藥水品牌來自「Sante FX系列」由參天製藥出品、號稱係「新・人類覺醒計畫」《EVA新世紀福音戰士 X 參天清涼·沁涼眼藥水》聯合推動，有兩種眼藥水串成四種包裝，分別有碇真嗣、渚薰、綾波麗、惣流·明日香·蘭格雷四種。

單睇產品已經相當成功，包裝非常矚目，單係個盒已經感受到福音戰士中的世界觀，眼藥水2020年8月係日本大型藥妝上市出售，如果去到日本的朋友真係要入！