近期係Netflix火紅的情慾禁室培慾電影波蘭《禁室365天》輕鬆衝上全球頭十位最多人觀看節目，一日前仲衝上第2位，作為波蘭史上最大尺度超限制級電影，可謂非常成功，不過就有人投訴佢美化性暴力，將斯德哥爾摩症候寫成浪漫愛情故事，不過早有港女講過有樓就有高潮，禁室365天男主角有樓有遊艇有私人飛機有勢力仲識浪漫又激情，身型大隻又靚仔，唔係禁室培慾係豪華色慾，畀佢睇中捉佢返來豪華食訓玩日日做下愛腦袋放空一下，有得揀你留係香港返工睇新聞定比佢捉返一年半載？我永遠選擇自由，自動獻身個隻自由！不過我只要女Boss

介紹返不過可能大家都已好熟，《禁室365天》改編自同名小說故事描述一位情場失意的酒店女總監，由Anna Maria Sieklucka飾演的Laura，係生日當日因為不滿男朋友沒有心思表達，一怒下出去玩最後不知幸不幸暗巷中被性感的黑社會大佬，由Michele Morrone飾演的Massimo綁架擄走，並要求女主角要係365日內愛上自己。劇情聽落好有韓式浪漫,話明愛上當然就係要做愛做的事，不過好有坤士少少變態的男主色唔駛逼迫，本身就係女姓幻想中的男神，雖然故事聽落古怪，但火辣的大尺度性愛場面成為呢部作品話題，老實講Netflix就係缺乏情慾片，如果大家有睇呢部《禁室365天》，網上有人話體位好逼真下，有說可能打真軍？其實借位拍的性愛場面拍得好辛苦，真軍反而才是不能說的偷雞慳水慳力方法，但我無話過呢套真定假拍！？大家自己認真睇！

話說呢部電影本來就唔打算係Netflix直接上，應先係世界各地戲院上映，不過由於受到疫情嘅影響，結果就係Netflix播映卻因此一炮而紅全球知名！好唔好睇就見仁見智喇！不過《禁室365天》確實係近期最受歡迎嘅情慾電影，據聞小說作者仲有兩部續集小說，唔知電影作品係全球大熱成功之後會唔會拍埋第二第三集呢？

最後告誡一下港女朋友們，出街要檢點夜間唔好亂入小巷，唔係小心有車有樓有遊艇大隻有型靚仔鬼佬黑幫大佬嚟捉你㗎喇！！到時你成年過住色慾SM少奶奶生活你實後悔，一於今晚早點訓，聽朝準時返工！