早排韓劇《夫妻的世界》熱播，婚姻和背叛原來係全球通俗故事必備元素，可能潛伏係每一個人生活和幻想(主要)當中，戰鬥民族的婚外情特別激烈，當老公背叛冷落，俄羅斯老婆登時火起，仇恨慾念變成《飢俄人妻》，你得「淫」我不義，女人一爆發絕對做得比男人狠 ！唔知點解近期特別多情慾片，6.4上映呢套俄式《飢俄人妻》戰鬥民族情慾片相當少見，又話無底線又話全裸上陣，搞到我都想約埋另一半一齊入場正所謂預防「性」於治療，齊齊入場睇下關係中的背叛傷痕仲有無得修補，近排酒店連餐飲成日特價，一條龍振興經濟最好，假日活動？聽日趕返工偷偷摸摸仲有趣

講真俄羅斯電影喺香港比較少見， 仲要係俄羅斯情慾電影， 絕對唔係猛龍唔過江，呢部作品入選過鹿特丹國際影展，由女性導演Nigina Sayfullaeva主導拍攝。其實大家要有心理準備，能夠係唔同國家都買返來上映的，絕對唔會係一般為左取悅人眼球嘅性愛影片，通常性愛背後肯定又係有教育意義，終極教訓。《飢俄人妻》相信肯定唔係睇美女，因為好多人都認為女主角如果係純粹講外貌身材可能會有更多俄羅斯模特兒可以選擇， 電影強調嘅應該係婚姻中嘅忠誠與選擇出軌嘅錯誤決定，當然啦最後搞邊科要大家入場先知道。

咁到底呢個俄羅斯《飢俄人妻》有咩野劇情？話說任職婦科醫生的Lena與老公Sergey結婚多年情慾冷卻， 老公對佢不聞不問。一次鬱悶仲犯左女人最大錯誤偷睇電話，睇到老公的電話短訊，懷疑佢與同劇女演員偷情。呢場怒火再加上性空虛一發不可收拾，Lena拋開一切枷鎖，報復性大搞特搞，周圍同唔同嘅男人性戰連場， 可惜最終虛脫過後都係要面對心靈空虛， 最後決定放下心結，嘗試與老公修補關係。可惜此時，網上已有人控訴Lena是淫蕩女醫，專門勾引病人老公… Lena的婚姻、事業雙雙走到絕路，性與愛又能否將Lena拉回正途？

其實我哋每一對人都應該係關係當中時不時就探索一下，我係指同你另一半探索你哋之間嘅問題，面對問題，共同尋找解決的方案。 一世人流流長揀定咗就唔好節外生枝啦。所有破裂嘅故事最終都沒有好結果，兩個人好簡單，我細細個就聽白姐姐講「你同佢離婚啦！」通常複雜在於一家有三個人或者四個人，小朋友才是問題。不過點都好最緊解決要快唔好拖。