早前都同大家講過日本解除緊急狀態後，各個原本因武漢肺炎疫情而停開嘅景點亦陸續開返，當然亦有相應嘅防疫措施。而東京鐵塔今日(28日)重開就有個非常得人驚嘅防疫措施，就係冇Lift搭！

冇錯，由於避免人群於密閉空間中聚集，東京鐵塔宣佈所有遊客都不能使用升降機，換言之如果你想上位於150米高空嘅觀景台，你就必須要一邊欣賞東京城景，一邊行600級樓梯上去，上到觀景台亦會有指示遊客分隔兩米距離。然後當你抖順條氣啦，景又睇完啦，你就可以行返600級落去啦，係咪聽到都驚呢？

我知東京鐵塔呢啲「老土景點」唔係個個都想去，但所謂一業知秋，似乎即使日本重新接受遊客入境，喺疫情真正過去之前都會有唔少不便，唔知又會唔會減低大家返鄉下嘅動力呢？