高達因為40週年關係，較早前有多款Crossover作品推出，其中相信最引人熱話嘅應該就係與Hello Kitty同框。而日前官方宣佈嘅最新合作，就係與日本J League足球聯賽合作，並推出一款特別版高達模型。

今次與J League合作推出嘅模型有兩款，其中包括「HG RX-78-2 高達J聯賽Ver.」與「HAROPLA 哈囉J聯賽Ver.」，兩款模型將於2月8日「FUJI XEROX SUPER CUP 2020」埼玉2002體育場公開售賣。

有趣嘅係，今次哈囉將會化身成為足球，無他嘅其外型係圓型，所以都好無理。而於高達及哈囉嘅身上都可以睇到J League嘅Logo。另外，購買模型嘅時候將會附送J1至J3嘅56支球隊隊徽貼紙，等你可以支持自己嘅愛隊。

而售價方面，「HG RX-78-2 高達J聯賽Ver.」參考售價為2000円，而「HAROPLA 哈囉J聯賽Ver.」參考售價則為600円，作為特別版價錢相當合理。