《冰與火之歌》電視劇IMAX播？

文：MenClub 魏文青　　圖：互聯網
POSTED ON 24 Jan 2015

有睇開美劇嘅都會留意過HBO的神劇《冰與火之歌(Game of Thrones)》，呢套製作超認真、劇情超驚心嘅史詩魔幻小說改編神劇，黎緊4月就會上映最新一季，但目前發佈嘅新作片段加埋都唔知有冇十秒，擺明車馬吊你癮！

咁究竟呢十秒講咗咩呢？有Arya Stark抵達Braavos、唔開心的Cersei Lannister、殺咗老豆Tywin再潛逃至Narrow Sea的對岸、再加上唔知做緊咩嘅Jon Snow…唔好睇少呢幾秒呀但係，已經包含咗大部份由第一季出場到依家都未死嘅人啦！

但條題又話係IMAX播？唔係諗住出電影版嗎？當然就唔係，而係HBO決定將Season 4的最後兩集，放上IMAX戲院到播！劇情同電視版完全一樣，即係大致包括NightWatch與Wildlings在北方之戰以及Tyrion逃出Westeros！咁你問點解要將一套電視劇嘅最後兩集放入IMAX戲院到播呢？唔知，但就係咁先夠把炮嘛！你有有冇諗過愛回家會有IMAX版呀？