上年有《四驅兄弟》，今年有《數碼暴龍》，大家都好清楚呢啲「新」作其實唔係畀依家嘅「00後」或者「10後」睇，而係畀我哋呢啲80後「懷緬過去常陶醉」用。換言之當你見到自己細個睇嘅卡通人物重新出現，就代表你嘅童年已經屬於「經典」嘅產物，咁你又會後生得去邊呢？

所以當知道今年春天播放嘅《數碼暴龍Adventure tri》係用返當年嗰班「被選中嘅細路」做主角，心情都已經夠沉重；再睇埋佢哋個人設就更加心酸……太一，咁多年冇見，你發生咩事先會搞成咁嘅樣呀你？