炎炎夏日仲未來臨，夏天除左為大地帶來美腿外，仲帶來BBQ燒烤的高峰期，雖然我唔明白天時暑熱點解仲要圍住個爐出汗，不過既然friend子們都燒野食，我地都會發揚TVB精神約埋三五知己燒返場兼跳起Yeah。對於速食無耐性又膚淺的香港人，燒野食最重要也是快，今日就比我發現香港人設計，最適合本地文化的BBQ神器，一次可以燒十條腸的夏日 More More"叉"燒烤叉，你以為我賣廣告呢！？我真心拜服並真心想買，當然如果設計師覺得我推薦得好可以寄返個獎勵下我……….唸呢件野的人，絕對是香港人，只有香港仔才會咁樣將燒烤呢門藝術「量產化」………….

燒野食最地道係咩玩法？就係開波入門起爐即燒「廚師腸」充饑，食返起碼兩條打底，然後才有體力慢慢燒，但就咁燒兩條腸好多人都嫌煩（有些人就不適合BBQ！），呢件可以伸縮的BBQ神叉More More 燒烤叉就大派用場，一次性交上10條腸仔，身邊的朋友們一下子全餵得飽。唔夠再來多30粒丸，搵多個肥仔朋友在身邊扇行個火就完美。

呢件野個設計其實好簡單：一圖睇哂，就係一枝野分個圓形出來圍住十枝叉位！造型設計夠霸氣，如果一套有四枝More More 燒烤叉，friend子們一次性燒出40條腸，其實可以開檔賣埋比隔離爐。

邊度買呢d問題，唔好問我，等領導先買，呢件野由Tony Electronic 設計出品，但會唔會好快就比淘寶後發抄襲我就唔敢講，不過我會建議大家要買就一定買返香港原創，創意呢樣野無得抄襲的。