《後街女孩》（Back Street Girls）係Jasmine Gyuh創作嘅一部日本漫畫，講述黑道3人組因為犯錯而又唔想被老大殺害，於是被迫接受變性手術同全身整型手術，搖身一變成為地下偶像「後街女孩」，仲紅極一時有好多粉絲！不過佢哋嘅內心依然係雄糾糾嘅黑社會男兒，對於變成少女每日要扮可愛生存，都感到極度苦惱……由於呢套漫畫非常爆笑，所以有唔少讀者捧場，喺今年7月3號時仲正式開播改編動畫，風頭一時無兩，雖然《後街女孩》嘅動畫經已播映完畢，不過熱潮未退，官方嚟緊仲打算推出埋《後街女孩》嘅真人版電影添呀！

目前官方就透露，《後街女孩》真人版電影嘅參演演員有白洲迅、柾木玲彌、花澤將人、岡本夏美、松田琉花、阪之上茜、菅谷哲也、淺川梨奈、小澤仁志、櫻田通、大杉漣（友情演出）同埋岩城滉一等等，預計2019年2月就會上畫，一齊睇睇宣傳影片先啦！