近年來串流平台變得普及，我地有好多個不同的平台可以煲劇睇戲，似乎觀眾欣賞影視節目愈來多選擇同便捷，不過原來有研究就顯示愈來愈多不同的串流煲劇平台分散，引來的結果居然係愈來愈多非法下載，侵權問題愈益嚴重。你煲劇又係比錢正當渠道定非法下載違法串流？！

來自全球領先的網絡和研究公司Sandvine的全球營銷副總裁Cam Cullen，寫左篇文分析最新發表的一份深入調查報告，該報告名為The Global Internet Phenomena Report，裡面有一些關於時下媒體和BitTorrent的有趣數字指出自2015年以來，好似BitTorrent這樣的種子上下載服務的使用量增長了近10％。在2011年至2015年期間，BitTorrent在美國的使用率大幅下降，從52％下降到略低於27％。現在，使用BitTorrent的人數開始再次增加，Cullen就表示，這是因為各個串流媒體平台將各自的獨家播放內容分散導致。

愈來愈多只在單一串流或廣播平台播放的獨家節目內容出現，各平台都製作其獨家大作-就好似要去HBO 睇Game of Thrones(權力遊戲) ，去Netflix睇House of Cards(紙牌屋) ，美國人要去Hulu睇The Handmaid’s Tale(侍女的故事) ，去Amazon睇Jack Ryan(傑克·萊恩),Cullen就表示，要得到所有以上平台的觀賞權限 (即比齊錢！) 對消費者來講好貴，所以消費者一般選擇訂閱一或兩個平台，而其他就非法下載來睇！！

未來幾年呢個情況仲只會有增無減，facebook , Crunchyroll，VRV和Apple都將進入串流媒體平台的玩法，製作原創系列，顧客必須要註冊科水才能觀看。迪士尼作為龐大的娛樂影視公司，也會推出串流服務，迪士尼串流服務將會圍繞獨家節目。迪士尼的首席執行官鮑勃伊格爾就同The Hollywood Reporter表示佢地不想製作大量的節目或電影（即好像Netflix咁），而係希望專注於高品質的獨家大作。

Cullen在他的博客文章仲指出，其實唔單止因為多平台，仲有另一個重要原因係因為快，對於受歡迎的節目，人們都係唔想等，急於觀賞節目，所以唔會等自己買左版權平台排期播放，最快出就馬上BT下載來睇，明顯例子是權力遊戲，它依然是每年最受盜版非法下載歡迎的節目。

根據呢個情況去推測未來一段時間內個情況都唔會點改變得到！香港呢邊的情況又點？可能好多人買左netflix頻道，但你會唔會再比錢Amazon ,facebook ,或煩到爆同now傾下長約睇 HBO 同Fox+，未來又會唔會再比錢迪士尼頻道？亞洲的地區其實呢個問題可能更加嚴重，煲劇當然是回家BT或直播用唔知咩盒子非法串流啦。這可能是本地常見的現象，但其實咁樣全部都係侵權行為，我地絕對唔會鼓勵，期望的只是在日益繁多的平台出現時，佢地會唸方法幫助下消費者，會唔會有兩全其美實惠消費模式解決合法煲劇的消費難題！！

來源：Polygon