其實呢個「THEドラえもん展2018」於2017年11月1號~2018年1月8號都有喺東京搞過，不過如果作為fans嘅你miss咗嘅話，都唔緊要，因為家陣你可以喺11月18日之前，去名古屋嘅松阪屋美術館睇返補數！

於名古屋再開嘅「THEドラえもん展2018」有好多不同藝術家聯乘嘅作品，當中有村上隆、奈良美智等人crossover多啦A夢嘅畫作，非常特別！

而最吸引粉絲嘅，相信一定係呢個由村上隆設計嘅獨特花紋多啦A夢，係得名古屋「THEドラえもん展2018」先有得買咋，而且一人只限購兩隻，算係非常珍貴！鍾意嘅朋友千祈唔好錯過呀！