動畫界以做配角出名的「種族」有兩個，一個係《反斗奇兵》入面堆「三眼仔」，另一個就係《壞蛋掌門人》入面的迷你兵(Minions)。呢隻黃到成碌蕉，望落有三分似劉江華嘅物體，憑住其獨特語言(「BANANA!!!!!!」)，加上輪輪盡盡的行為，除咗氹到一班婦孺鬼咁開心，仲可以由配角坐正。2015會上映的「迷你兵」電影，近日終於都出咗Trailer啦！

咩話？你話呢啲低B戲你唔會睇？係，你係唔會睇，但係你BB會睇嘛！到時佢大叫「我要睇BANANA!!!」你又唔知咩事，當街當巷真係比碌蕉佢含你話幾失禮呢？