喺萬眾矚目嘅歐聯決賽入面，沙拿不幸被沙治奧拉莫斯蓄意拉手犯規，導致左肩膊受傷，雖然受傷後佢曾經短暫留喺場上，但最終還是傷勢太重被迫退下火線。無奈下場嘅沙拿，隨即流下男兒淚，因為佢心知呢次受傷除左令佢無得繼續踢呢場歐聯決賽，佢仲可能無辦法參加今屆世界盃。

對於沙拿嘅傷勢，利物浦方面亦都非常擔心，領隊高普亦承認愛將所受嘅傷屬於嚴重，佢地覺得沙拿嘅肩膊可能脫臼，並認為佢將難以繼續喺世界盃中上陣。

不過，沙拿之後喺個人IG上表示，佢非常有信心可以參加今年嘅俄羅斯世界盃，並會因此而為佢感到驕傲，而所有人對佢嘅支持都將成為佢嘅力量。

It was a very tough night, but I'm a fighter. Despite the odds, I'm confident that I'll be in Russia to make you all proud. Your love and support will give me the strength I need.

A post shared by Mohamed Salah (@mosalah) on May 27, 2018 at 9:34am PDT

目前距離世界盃揭幕戰仲有17日，而埃及首戰將會喺第二個比賽日面對烏拉圭，究竟沙拿可唔可以趕得及復元呢？相信由於沙拿受傷嘅位置係肩膊，預計佢如果趕唔切好番，佢都好大機會會帶傷上陣。

當然各位球迷好想喺世界盃見到沙拿，但係相信利物浦方面就好唔想見到佢帶傷上陣，因為可能會導致佢傷勢加劇，因而影響球隊來季嘅備戰，甚至其整季嘅狀態。如果一個唔好彩，沙拿再受傷嘅話，隨時整季報銷咁利物浦就多得佢唔少啦。