【歷史性】戴偉浚攻入效力貝利第一球！！

文：MenClub 波特先生　　圖：互聯網
POSTED ON 11 Jan 2018

香港球員戴偉浚喺去年正式成為英甲球隊貝利嘅一員，雖然佢並唔係球隊嘅必然正選，但係每次上陣佢都會出盡萬二分嘅努力，再加上其個人技術及傳送均不俗，所以還是深得領隊喜愛。

而尋日，貝利同費列活特喺英格蘭錦標賽入面碰面，其中戴偉浚下半場後備入替，憑藉喺禁區入面混戰下，成功大腳一射成功破網，攻入自己加盟貝利後嘅首個入球，無論係對佢自己定係香港足球都係歷史性嘅一刻。而呢一球，亦為1：3落後嘅貝利追成2：3較接近嘅比數。不過可惜嘅係，最終貝利都係無力扳平以2：3不敵對手出局。

現年18歲嘅戴偉浚，11歲就已經跟爸爸離開香港，移民到英國接受當地嘅足球訓練。而佢當時首先加盟嘅係係英冠球隊雷丁嘅青年軍，直到2016年先轉入貝利，並喺2017年5月以17歲之齡獲得貝利提供職業球員合同，成為香港名宿張子岱後第二位喺英國球壇獲職業合同嘅香港人。