呢三部單車喺設定上都係由「亞納海姆電子公司(簡稱AE)」製造，而AE其實係UC後半期最主要嘅MS生產商，Z、ZZ、Nu、沙薩比等機體都係由佢哋製造，當然亦包括兩部獨角獸同百式，所以三款單車上都有以銅製成嘅AE標記。六部單身以三部機體為主題，其中又再分開成「碳纖車架」及「鋁車架」兩款。獨角獸嘅鋁車架款以普通NT-D模式為主題(即白配紅)，而碳纖車架就以全開嘅NT-D為主題(即白配綠)。

鋁車架款

報喪女妖亦差唔多，分別以深藍配橙嘅報喪女妖(鋁車架)以及黑配綠嘅報喪女妖命運女神(碳纖車架)為主題。百式方面就簡單啲，碳纖同鋁車架都係以黃色為主，只係上面嘅塗裝略有不同。