開季表現出色嘅「紅魔鬼」曼聯近期表現有啲倒退，當中包括0：0悶和利物浦，之後更以1：2不敵哈特斯菲爾德，表現令人失望。而球隊表現滑落嘅原因好大程度上係因為隊中主力之一嘅普巴受傷，呢位法國中場可以話係曼聯中場嘅核心，失去左佢球隊無論攻守都有失衡嘅跡象，而預計普巴將要到12月頭先可以復出，呢段期間相信領隊摩連奴都一定非常頭痕。