台灣莎賓娜籃球結他女孩「洗菜Jumi」

文：MenClub 魏文青　　
POSTED ON 24 Aug 2016

哈薩克排球美少女莎賓娜大家應該都仲記得，當時佢憑住甜美嘅笑容再加白滑長腿，迷到包括你同我在內嘅一班麻甩佬，於是大家就開始諗：「呀頂我唔識講哈薩克文喎！點溝佢…I mean點溝通呀。」其實唔使咁擔心嘅，識個溝通到嘅莎賓娜咪得囉！

來自台灣嘅「洗菜Jumi」有「台灣莎賓娜」之稱，最主要嘅原因就係因為生得似。雖然洗菜就冇莎賓娜嘅六尺身高兼到我心口嘅奪命長腿，不過一樣有黑長直加可愛樣，依然係非常J-able。而且雖然身材唔高，但勝在比例夠好，睇落一樣有長腿架！咁反正大家都唔係高，呢啲「小隻馬」就更加適合大家啦係咪？

除咗可愛外表之外，洗菜仲係一位非常有才華嘅女仔。首先睇佢個專頁自稱做「籃球女孩」，你就知佢係有打開籃球——而且唔係拍下波，喺個球場到跑兩下嗰啲。睇返佢啲片，打得有板有眼之餘，啲三分仲射得幾準。上年Kobe訪台佢都有份落場添！

另外嘅才華就係唱歌啦！佢對手唔止識打籃球，仲彈得一手好結他，久唔久就自彈自唱放上網，把聲仲鬼咁甜添！簡單啲講就係，呀我又戀愛啦！

洗菜 - 籃球女孩 on facebook jumi0118 on instagram