「讀了這一科之後，知道了更多有關營養的資料，的確在平時買食物時會先看看營養標籤。有時候食之前都會想一想熱量，或者其他營養會不會太高，又或者缺少了哪些。但你說很嚴格地執行，每天要吃夠多少種營養素，其實我也不會。只是意識上會『今天吃得健康些吧！』這樣。」

咁如果我話我依家好唔開心，除咗食咗你(講笑！講笑OK？我守身如玉架我)之外，仲可以食啲咩呢？

「朱古力呀！其實當然是吃有糖份的東西會較有開心的感覺，不過就不要吃得太多糖，對身體始終不是好的。另外吃香蕉也可以減壓和令人開心的！」

我之所以會留意到Crystal，全因為佢曾經同某個香港Youtuber一齊去試玩滑翔傘－－OK，滑翔傘唔吸引，但當時著住小背心嘅Crystal就相當吸引。而好明顯地，咁諗嘅唔止我一個。因為Crystal自己都承認，佢Instagram嗰1.4萬(訪問之時)Followers，有好大部份都係睇到條片「慕名之來」的。

「之前我跟一個Youtuber合拍了一段關於香港滑翔傘的片。在影片出街前後，我們都發佈了一些照片，做了一些宣傳。所以那段時候有很多人認識我的IG，Followers的數目在那一個星期內升了十倍，其實都幾誇張的。」

唔知係我太保守，定係依家啲後生(我好老)思想好開放，我哋成日覺得稍為有知名度的女仔，都係唔應該拍拖，或者就算有，你都唔好比我知。但Menstagirl系列中的幾位女仔都好大方承認自己有男朋友，Crsytal更加會將同男友嘅閃照放上網－－點解呢？點解你要咁樣傷害我哋呢？

「(嗲)咁我覺得拍拖也不是什麼見不得光的事，我跟男朋友一起的時候也很開心，他好錫我，我又很愛他。我覺得如果把我們一起的開心時刻放到Instagram，那朋友或者粉絲都會為我感到高興的。而且我們放的照片都不是太『閃』，應該都不會傷害到人家的感情的。」

就憑呢番說話，你真係覺得唔閃？

好啦，為咗平復大家嘅心情，Crystal就準備咗一道簡單易學嘅「煙三文魚水煮蛋牛油果多士 」整畀大家食(由我代食咗)，等大家感受下有呢位營養學美女為大家補充營養嘅感受啦！

crystalfyy on instagram