逆．不知火舞大陸嫩模「瑪魯娜」

文：MenClub 魏文青　　
POSTED ON 25 Aug 2015

問題：2D格鬥遊戲界中，最出名嘅乳搖角色係邊個？《DOA》系列？春麗？錯！答案係不知火舞！呢位出自《餓狼傳說》以及《拳皇》系列嘅日本2D格鬥遊戲第二把交椅(第一把係春麗)，最出名嘅唔係佢係一個忍者、唔係佢識撚扇、亦絕對唔係佢嘅戰鬥力，而係佢咩都唔做嗰陣會出現嘅超強烈乳搖！
圖為拳皇XIII版本
想當年，大家接觸不知火舞嘅時候都係血氣方剛嘅年青人。當時上網未流行、AV未識睇，打拳皇嗰陣揀不知火舞就成為我哋最近距離觀察女人個胸嘅機會(起碼對我黎講係囉…)。甚至去到好後期文青先留意到，以佢呢一身裝束，佢應該係技術上唔能夠著底褲！可想而知個衝擊力有幾咁大！但我哋一直都留意緊佢前面，你又有冇諗過佢後其實都有另一番風景呢？

冇錯，文青講緊嘅係由大陸嫩模「Manuela瑪魯娜」Cosplay嘅「逆．不知火舞」。要加個「逆」字喺前面嘅原因，係雖然瑪魯娜上圍唔算好誇張，做唔出嗰種「乳搖的風彩」，但就勝在蘿友夠靚！擰轉個身，戰鬥力一樣咁高！

附合國情地，瑪魯娜嘅收入模式同中國經濟狀態一樣咁撲朔迷離。見佢有做直播、有幫不同網站拍攝套圖、甚至能夠同杉原杏璃同台、成為米原康正嘅模特兒。但又點計都唔覺得可以支持到佢嘅生活費……唔…憑我爺爺嘅名義發誓，真相只有一個！

所謂「人貴自知」。一睇佢啲相入面，十張有著八、九張都個打個八月十五出黎，就知佢好清楚自己嘅賣點係咩啦！