近年有唔少日本賽車女郎跨入寫真界，而從旁觀者角度睇，成件事係好合理：賽車女郎要樣靚身材正畀人影相、寫真女星又係要樣靚身材正畀人影相，一齊做應該無問題呀？但今晚要介紹、於賽車女郎界及寫真界都獲獎無數嘅「葵成美」就話畀大家知，其實呢兩個身份都有矛盾嘅地方！你又估唔估到喺邊？ 

現年25歲嘅「葵成美」出身於日本三重縣，最早係於2021年作為日本伊勢崎馬埸嘅活動女孩首次露臉，同年再成為車隊「TECHNO FIRST」嘅「Super耐久」賽事賽車女郎正式出道，翌年加入另一車隊「PACIFIC RACING TEAM」於SUPER GT、GT 300等賽事亮相，年年尾更贏得日本賽車女郎大賞新人賞、Sanpo賽車女郎大賞中嘅《Friday》寫真賞及亞軍等，正式晉身為一線賽車女郎。

隨後幾年「葵成美」除咗繼續於賽車界發展之外，更開始踏足寫真界。當中尤以2024年尾成當選寫真雜誌《FLASH》選出黎嘅Miss FLASH最為知名，更於去年及今年2月卸任後推出兩隻寫真DVD，反應都相當唔錯。可見佢喺賽車界及寫真界都有非常好嘅成績。

不過去年年底佢接受訪問時，就提到呢兩個身份嘅矛盾之處。佢話賽車女郎經常要喺戶外活動，結果就好易曬黑，全身都有衣服嘅曬痕。問題係拍寫真時又要露出個身，啲曬痕就令人非常礙眼，所以佢今年嘅願望就係記得擦防曬咁話！其實有人係覺得曬痕幾性感㗎，佢唔遮可能仲多人鍾意喎？

IG：naruminn21