唔知大家有無睇過朴贊郁執導嘅《下女誘罪》，入面其中一段劇情係講女主角之一、接受過高等教育、舉止優雅嘅「泉秀子」，被佢姨丈逼迫為一班上流男人朗讀春宮圖書。後來有唔少人都分析指呢班「上流男人」唔係鹹濕咁簡單，更係鍾意於「上流女子讀下流內容」嘅反差感——唔明我講緊咩？咁你睇下今晚要介紹呢位「おしの沙羅」，或者就會有類似嘅感覺啦。

現年30歲嘅「おしの 沙羅」最早於2016年出道，當時佢以「忍野さら」之名先做賽車女郎，再於同年推出首隻寫真DVD出道。第二隻寫真DVD「Re-Born」更於Amazon及Oricon創下連續三週佔據寫真DVD榜首嘅佳績，當時號稱「當今最好賣嘅Body」、「完售女王」。往後多年佢繼續以極高曲線美嘅肉感身材橫行寫真界，直到2021年宣佈引退。2023年時仲宣佈自己會以書法家身份、改名雅號「雨樂」開始活動。

你可能會問：做咩要介紹個引退咗嘅人？答案就係其實佢無真正引退。就喺佢話要以書法家身份活動嘅同年，佢就改名「おしの 沙羅」。雖然之後幾年佢真係「封胸」，但到今年9月時佢又寫真復出，為講談社旗下雜誌《FRIDAY》拍攝新寫真。而且寫真尺度並無因為佢多咗個書法家身份而有所收斂。睇住之前著住和服、出席典雅活動嘅佢依家為大家褪下衣裳，搔首弄姿，你依家係咪都Get到嗰種反差感啦？

IG：oshinosara