如果你見到「櫻井」呢個姓，再望多兩眼相中人而覺得有啲熟口面的話，唔需要太過懷疑㗎，因為我哋早年的確介紹過呢位「櫻井おとの」，不過當時嘅佢仲係用緊漢字名字「櫻井音乃」，係今年先改用片假名寫法。而改咗名之後嘅係事業似乎亦迎來新一輪上升期，於戀愛綜藝以「很想戀愛但不懂戀愛的寫真女星」令觀眾留下深刻印象。

8月就迎來23歲嘅「櫻井おとの」可說是年少成名，早於中學二年級就已經成為《Popteen》模特兒，高中二年級時更參加過Abema TV嘅著名戀愛綜藝《今日、好きになりました。》，並吸引到HoriPro同佢簽約，再於2021年寫真出道。隨後幾年佢除咗成為雜誌寫真常客，更曾經贏得集英社嘅「グラジャパ！アワード2021」最優秀新人賞，以及扶桑社嘅グラビアン魂アワード2023 「CUTIE&SEXY賞」等。寫真成績非常亮眼。

到今年初，佢先係宣佈離開經理人公司單飛，繼續改用片假名名字活動，同時仲宣佈會出演由日本格鬥家「朝倉未來」主持嘅戀愛綜藝《Love Ring》，以「很想戀愛但不懂戀愛的戀愛笨蛋寫真女星」嘅定位與一眾日本格鬥家公開談情。唔知係咪真係太笨，所以即使佢有傲人身材加上可愛臉蛋，於節目中追求佢嘅男參加者其實都唔多。大家覺得係「櫻井おとの」嘅問題，定係啲男參加者唔識貨呢？

IG：o_to.08