古代人形容美女有時會用「美人如玉」，通常係指美人嘅品德同玉一樣純潔。而今晚要介紹嘅呢位「江里口さよ」，亦號稱為日本寫真界嘅「白玉」，咁係咪代表佢品德好好呢？其實我唔知，因為佢呢塊「白玉」嘅涵義就表面得多，就係講緊佢嘅身材！

現年27歲嘅「江里口さよ」，最早係於2023年參加日本青少年雜誌《Young Animal》舉行嘅「Miss Young Animal」寫真選美比賽而出道，雖然最終只係入到決賽階段、冇贏到任何獎項，但已經足夠為佢敲開日本寫真界嘅大門。翌年佢仲贏埋日本著名寫真雜誌——係，日本係有呢個系列嘅雜誌——《Entame》嘅「Miss Entame」總冠軍，並成為近年急速冒起嘅寫真新人。

而「江里口さよ」之所以受歡迎，就係因為佢擁有一副「白玉Body」。雖然佢身高只得155cm，但就身材豐滿之餘睇落仲非常柔軟，而且肌膚又白又滑令大家嘅視線流連忘返。上月初推出嘅第五隻寫真DVD更係以《肉感接寫》為名，可見佢嘅身材就係最大賣點。

而近日接受訪問時，佢亦提到4月會開始入讀護理師學校，相信對佢未來嘅寫真事業都有一定幫助——「肉感」加「護士」喎，係男人都會停低望兩眼啦下嘛？

IG：eriguchisayo