如果大家有睇過下《排球少年》，應該都知道每年1月舉行嘅「全日本排球高等學校選手權大會」（簡稱「春高」）乃係日本高中排球比賽嘅殿堂之一。而今晚要同大家介紹嘅呢位日本美女「蒔埜ひなが」，亦同「春高」有住密不可分嘅關係，事關佢出道之前就係一個排球選手，更曾於「春高」出賽！

今年2月啱啱滿21歲嘅「蒔埜ひなが」出身於日本高知縣，身高達165cm嘅佢自學生時代就已經係排球健將，更曾經與隊友聯手衝破地區預賽，站上春高嘅舞台之上。雖然最後就冇贏到啲咩名次、計返其實亦唔係非常近期嘅時，但去年7月正式於日本藝能界出道之後，仍然為佢贏得「排球女子」嘅稱號，幫佢比快速打響名堂。

當然，除咗噱頭之外，「蒔埜ひなが」本身亦有吸睛之處。除咗上述提到嘅165cm高挑身形之外，佢仲有一排可能係細個打波練返黎嘅超明顯腹肌，配上24吋小纖腰非常養眼。同時你又唔好以為佢一定「乾噌噌」冇咩肉喎，其實佢上圍都有35吋，頗有睇頭。難怪出道不足一年就至少登上6次雜誌寫真啦！

IG：heedacha