近年日本偶像女團發展不太順利，事實上過往深夜系列介紹過嘅唔少女星，都出身於AKB48或者乃木坂46（及一眾姊姊團）、但退團或卒業後轉投寫真懷抱。長久下去就會營造出一個「女團啲靚女都走哂」嘅錯覺。但其實現在日本女團中仍有唔少值得大家留意嘅女神級人馬，好似今晚要介紹呢位「田村真佑」就非常值得睇睇。

現年26歲嘅「田村真佑」從小就想加入女團，甚至早於國中畢業後就曾經嘗試參加AKB48嘅徵選，只不過當時未被選上。直到佢20歲時參加一次過為所有坂道系女團招人嘅「坂道合同徵選」時先被選上，最終以第四期生身份加入乃木坂46，並於團內一直穩定發展。到依家佢已經係團內年紀最大嘅一批，「4期生」嘅資歷亦可以算係大前輩（新加入嘅6期生最細年僅14歲）。

或者係因為女團形象所限，所以即使過去「田村真佑」有為日本雜誌拍過寫真，但大都係包到密密實實。直到2023年時佢推出首本個人寫真集《恋に落ちた瞬間》先有突破性嘅性感打扮，比堅尼、內衣呢啲不在話下，甚至仲有背部全裸嘅大膽鏡頭，大家亦可以睇清楚佢頗為有料嘅好身材。所以話目前日本女團中其實亦有美女值得大家留意——但佢仲會留喺團體幾耐，就係另一回事啦。

IG：tamuramayuofficial