「小時了了，大未必佳」嘅故事大家聽得多，甚至喺身邊都能夠搵到唔少案例；但反過來「小時不佳，大時了了」嘅例子就少得多，畢竟底子唔好，就算再努力通常都只係亡羊補牢。但有「通常」自然就有「例外」，今晚要為大家介紹嘅呢位「柑橘もこ」，就可以話係「小時不佳，大時了了」嘅經典案例啦！

目前21歲嘅「柑橘もこ」，係一位日本著名Cosplayer。擁有姣好身材嘅佢，除咗活躍於Cosplayer界之外，亦經常會出席各類寫真活動，而且仲經常於X（Twitter）上發佈養眼寫真，以非常疏爽嘅露出度展現佢應有盡有嘅「有肉」身材，成功俘虜大量Fans，目前於X上已經擁有超過21萬Followers，隨隨便一張將都幾萬次觀看、幾千個讚好，仲經常吸引到媒體報導，絕對值得大家深入認識一下。

「昔一緒に遊んでた少年が実は女の子だった」のリアル版です#同一人物とは思えない写真を貼れ pic.twitter.com/IjINvEW5Xz

— 柑橘もこ (@Moco__Orange) June 6, 2023

但你唔好睇佢依家可可愛愛、嬌嫩艷麗仲有粒銷魂癦就以為佢由細到大都係咁。話說2023年年尾時，佢就曾經貼出一張題為「『細個一齊玩嘅少年其實是女仔』真實版」嘅兒時照片，照片中嘅佢雖然算係「清秀」，但橫睇掂睇都係一個男仔黎，同佢依家嘅形象相距十萬八千里，對比大到吸引媒體報導而成為一時熱話。有趣嘅係「柑橘もこ」後來指出，相中被遮樣嘅朋友見到報導後主動聯絡返佢，唔知呢位朋友依家係咪好後悔當年睇漏眼呢？

IG：moco_orange