雖然話日本寫真偶像們賣嘅主要都係性感，但唔少人都會用「清純」去包裝呢份性感，營造出「乖乖女性感畀你睇」嘅反差感。而當中有幾多個人係「真清純」呢，相信大家都會心中打個問號。但如果係今晚要介紹呢位「椿野ゆうこ」呢，我就信佢係真清純啦！

現年23歲嘅「椿野ゆうこ」出身於日本京都，係日本偶像團體「ひめもすオーケストラ」嘅成員之一。據佢接受訪問時表示，由於高中時入讀一間著重成績、目標係入大學嘅「進學校」，所以初期因為跟唔上進度而感到痛苦，好在佢當時乃木坂46等偶像團體治癒咗佢個心靈，亦令佢萌生成為偶像嘅目標。不過礙於父親反對，所以佢去到大學先股起勇氣參加試鏡，20歲時先加入「ひめもすオーケストラ」出道。

不過單憑「ひめもすオーケストラ」連自己嘅維基百科頁面都冇，你就知道呢團發展得相當麻麻。好在2021年9月時，「椿野ゆうこ」受《週刊Playboy》邀請拍攝水著寫真一炮而紅，由無名偶像火速成為寫真新星，佢嘅演藝事業先有所起色。有趣嘅係，「椿野ゆうこ」於大學讀嘅係「地球環境科學」，而佢亦曾於訪問中表示，出道之前除咗上游水堂就冇再著過泳衣，更唔好講比堅尼，所以你話佢係個清純乖乖女呢，我真係信架！

IG：tsubakinoyuko