日本嘅寫真之所以好睇，除咗係因為日本女仔天生麗質之外，更重要嘅係佢每次拍攝寫真，都會定下一個充滿想像空間、又適合寫真女星發揮嘅主題——無錯，個邏輯同AV基本上係一樣！而今晚要介紹嘅呢位「佐藤望美」，就由出道時嘅學生妹，到近年嘅人妻、同居年上女等各種角色都能夠勝任！

現年28歲嘅「佐藤望美」出生於日本岩手縣，2016年被星探發掘後就離開家鄉去到東京發展演藝事業。佢本來係打算成為一位舞台劇演員，去到東京嘅出道作亦的確係舞台劇《夏終わったんです～秋なんです～》，不過2017年夏天發行首隻寫真DVD後大受歡迎，2018年時更奪得《Young Champion》舉辦嘅「Miss Young Champion」寫真選美總冠軍，自此就舞台寫真兩邊走。

或者就係因為鍾意於演戲，所以佢唔單止於舞台上有多個角色，就連寫真中佢嘅角色亦千變萬化，由出道初期嘅學生、女友，到中期嘅護士、老師，以及近幾年嘅「背德人妻」、「鄰居姐姐」等佢通通都駕馭得到！唯一可以挑剔嘅，就係佢寫真產量並不多。好在佢成個IG都係自己嘅性感相，應該都夠大家止渴。

IG：nozomisato__