日本AKB48嘅姊妹團眾多，唔係Fans嘅話好可能連團名都數唔出，更唔好話知道每個團入面有邊個值得留意嘅女仔。好似「STU48」呢個團，你又認識幾多？希望睇完今晚呢篇文，你會記得佢哋團內有個好可愛嘅女仔叫「高雄さやか」！

STU48係2017年成立、以整個瀨戶內地方為主要活動地、個劇場仲要喺隻船上嘅AKB姊姊團。而現年24歲嘅「高雄さやか」早於2019年就以票數第五名嘅成績通過STU48嘅二期生甄選最終審查，同年12月3日，即係佢21歲生日前一日於官網正式公佈為團體2期生，從此就參與哂STU48之後推出嘅所有單曲，到2021年10月正式升格為正規成員。

而近日「高雄さやか」亦宣佈會於11月15日發行佢首本個人寫真集「君だけのもの (只為了你)」，雖然從佢本來嘅風格以及目前公佈嘅寫真預告圖黎睇，寫真集嘅性感程度可謂「BB級」，但「高雄さやか」就係勝在清純可愛，顏值取勝！大家期望佢今次寫真集成績唔錯的話，未來會有尺度上嘅突破啦。

IG：stu48_sayan