日本朝日電視台每年都會推出新嘅《幪面超人》 (拉打) 系列，而每部「拉打」又會搵啲未算好出名，但實力與外貌兼備嘅女演員出演，而且佢哋出演「拉打」之後嘅發展都相當唔錯。久而久之，「拉打」系列成為唔少女演員嘅「發源地」。而今年嘅《幪面超人GOTCHARD》中，就出咗以下呢位「坂巻有紗」啦！

一睇「坂巻有紗」個樣，相信大家都會估佢係一位混血兒。據佢早前接受《週刊Playboy》訪問時透露，佢爺爺係一個愛爾蘭裔嘅美國人，而佢媽媽亦係一個混血兒，換言之佢有約一半血統唔係日本人黎。亦大概係因為佢嘅血統頗為複雜，先會「溝」得出依家呢個既有西方輪廓、又有東方氣質嘅美顏。

但你唔好睇佢成個公仔咁，就以為佢一定好柔弱。事實上佢自細嘅體育能力就非常強，中學時代表田徑部參加跳遠、短跑及推鉛球比賽，其中推鉛球更係佢嘅主項，參加縣大會時，仲會有其他學校嘅老師稱讚佢係「所沢市之星」、「所沢的強肩」，可見佢嘅成績有幾出眾。難怪佢於《GOTCHARD》中飾演反派拉克西斯，應付動作場面都冇難度啦！

IG：sakamaki.alisa