相比起香港，日、韓嘅飲酒文化更為盛行，甚至唔少日、韓女仔都嗜酒如命。好似今日要同大家介紹嘅呢位寫真偶像「小坂田純奈」，就係一個能夠一嘢隊十罐啤酒落肚嘅豪爽系女子，而且佢仲試過飲醉酒跳舞然後牙都仆崩埋——咁點解佢仲係咁靚女嘅呢？

現年26歲嘅「小坂田純奈」原本係一名日本大學文理部 (日大文理) 嘅中文、中國文化學生，大學四年級時參加學校舉行嘅「Miss日大文理」選美比賽被星探賞識，2021年8月以「短髮元氣系寫真偶像」嘅定位於寫真界出道，同年10月推出第一隻寫真DVD。2022年5月時更被《週刊Playboy》嘅編輯們選為「隠し玉 (潛力新人) Grand Prix」入圍者之一，隨後亦曾為多本雜誌拍攝過寫真，星途發展算係唔錯。

一頭短髮嘅「小坂田純奈」形象非常清爽，而事實上佢個人亦可以用「豪爽」黎形容。佢由小學開始就一直係籃球隊員，高中時仲玩埋軟式網球，長久運動就解釋咗佢頗為男仔頭嘅氣質以及結實緊緻嘅身材。同時佢亦非常鍾意飲酒，經常會開直播同Fans傾計然後「自隊」，曾稱自己一次能夠飲十罐啤酒，亦試過因為飲醉酒跳舞仆親，第二朝起身先發現仆崩咗隻牙。就算你依家去睇佢個IG，都係見到佢不停去飲酒！相信各位男士都想有個咁嘅酒友呀！

IG：official_junata