唔知係因為近代生活較為豐裕，定係大家更著重保養，反正依家唔少人就算三、四十歲，個樣睇落都係廿歲出頭咁。好似今日要介紹嘅呢位前水著女星「重盛さと美」咁，雖然已經就黎35歲，但個樣Keep得非常好，依家啲近照依然好似個妙齡少女咁正。不過近日佢就於節目上自爆有身體狀況，拍攝時竟然要著尿片！

據日本《Sport報知》報導，「重盛さと美」日前登上日本電視台嘅女性節目《上田と女が吠える夜》做嘉賓，而該集主題就係「長年狀態不好的女性」。「重盛さと美」指自己因為下腹鬆弛嘅關係，所以經常控制唔到小便，有時遇上長時間拍攝嘅話，更要事先穿成人尿片以防萬一。主持人之一若槻千夏驚訝地問：「會漏出來嗎？」重盛さと美就婉轉地回答佢其實唔知道自己究竟幾時急到真係要去廁所，好多時一感到想去廁所就已經係臨界邊緣，但通常都會僅僅趕到，避免尷尬情況。

重盛さと美當年嘅寫真

重盛さと美於2006年出道，最初為寫真女星，曾經推出過多隻寫真DVD，亦出過個人寫真集。但2011年後就轉型為藝人及網紅。雖然佢即將35歲，年齡上絕對可以話係「中女」，但佢個樣保養得極好之餘，打扮亦非常年輕，甚至比佢當年真係廿幾歲時睇落更後生。睇佢IG啲真係會以為佢係年輕有活力嘅20出頭。所以難怪大家對佢嘅身體狀況咁驚訝啦。

IG：satomi_shigemori