日本嘅特攝戰隊系列，歷年黎捧出過唔少年輕女星，而上個週末先播出最後一集嘅《暴太郎戰隊Don Brothers》，就出咗個非常清新、嘅王道美人女演員「新田桃子」，佢近日更為雜誌自己嘅初水著！

翻查資料，新田桃子現年26歲，2019年出演MV而入行，往後兩年雖然出演過少量廣告、網劇，但人氣都未有極大進展。直到參加2022年3月開播嘅《暴太郎戰隊Don Brothers》，並一人分飾年輕人妻、快活戀人以及謎之怪人三個角色而成功引起注意，更吸引到《週刊Playboy》及《Young Jump》先後邀請佢拍攝寫真，令其人氣進一步提升。

論身材，身高161cm嘅新田桃子雖然擁有一對白滑長腿，但由於體形偏瘦嘅關係，該有肉嘅地方就略見瘦削。好在佢有嘅顏值相當不俗，絕對係日本喜愛嘅「清楚系」、「王道美人」模樣，相信佢未來嘅發展會更上一層樓。另外值得一提嘅係，新田桃子自稱好鍾意復古嘢，無論係房屋、電影等都好有興趣，參觀古老建築時，甚至會出現「呢條柱100年前都有人摸過」嘅想法——唔知佢對啲古老嘅人又有冇興趣呢？

IG：momottiiii