今晚要介紹呢位「桜井木穂」，其實上年年頭我哋就已經介紹過一次。當時22歲嘅佢剛剛憑住100cm、被稱為「豪雪」級嘅上圍打響名堂。而今次之所以再介紹佢，當然唔係因為「100cm上圍點睇都唔厭」呢啲咁膚淺嘅理由，而係因為我發現佢喺過去呢兩年，身材竟然再進一步，突破咗100cm！咁抱住學術研究嘅心態都要睇下啦下嘛？

桜井木穂現年24歲，出生於北海道嘅佢自細就有個寫真女星夢，於是20歲時就上京尋找出道機會，結果又真係成功吸引到星探發掘——老實講100cm喺條街又真係好難見唔到——於2019年開始攝影會活動。2020年3月佢推出第一隻寫真DVD，憑住100cm (約39.5吋) I Cup上圍打響名堂，由於北海道出身嘅背景，加上肌膚勝雪，所以獲得「豪雪」嘅稱號。隨後佢就頻繁為各大青少年雜誌拍攝寫真，今年11月更推出首個實體寫真集。

出道之後因為減肥，所以桜井木穂嘅身材曾經一度回落到「只有」90cm，但今年7月時，雜誌《FLASH》邀請佢進行「育乳計劃」，結果唔單止完全「收復失地」，更百尺竿頭再進一步，突破100cm去到102cm (足40吋)。再咁搞落去，我諗真係要入醫院——唔係講佢呀，我講緊睇緊佢啲寫真嘅你哋呀。

IG：sakuraikiho