講起「御宅族」，大家個腦都一定浮現一個著住格仔恤衫，攝哂褲頭，戴住眼鏡、揹住背囊、個頭仲要好油嘅男人。但其實御宅族中唔單止有女仔，仲要係靚女；唔單止係靚女，仲係寫真女星！佢就係今晚要介紹嘅「鈴木聖」啦！

現年22歲嘅鈴木聖，2017年時就曾經以17之齡參加雜誌《Miss Seventeen》舉行嘅選秀比賽，並成功打入決賽，2019年時更正式加入寫真界，但僅僅幾個月後就宣佈「上岸」唔再拍寫真，專心拍戲及廣告。唔知係好彩定唔好彩，反正今年年中時佢就宣佈事隔兩年回歸寫真界，仲推出去到沖繩拍攝嘅首隻寫真DVD。

而除咗166cm高、G Cup嘅好身材之外。鈴木聖嘅另一賣點，就係佢本身都係一個御宅族。據佢自己講，佢屋企收藏咗超過6000本漫畫，而推出寫真DVD時亦以「日本最靚女御宅族」為招徠。而佢最鍾意嘅漫畫作品，就係《Hunter X Hunter》。

IG：_takara_suzuki_