早排睇過一個研究，話個樣「溫暖 (友善)」嘅人，睇落去會比個樣「有能力」嘅人更靚，背後嘅原因就係人類其實係鍾意「友善」多於「能力」。照咁睇，嗰啲所謂嘅「冷艷美人」應該就唔多「美」先至啱，咁大家又認為呢個「森川寒音」美唔美呢？

「森川寒音」目前叫「Kanon」，事實上「森川寒音」呢個名係我Google啲佢Delete咗嘅舊相先發現嘅名字。據佢於IG上嘅自我介紹，佢係一名99年出世、先年23歲嘅少女，不過唔知係因為佢偏好歐美風嘅妝容，定係因為佢有一身健康小麥色肌膚，所以睇落去就比實際年齡要成熟一啲。另外或者係因為佢嘅膚色同輪廓，有唔少人都以為佢係外國人或者混血兒，所以佢亦寫到明自己係「純Japan人」。

而目前身兼模特兒加牙科護士嘅Kanon，喺IG上亦有唔少性感靚相，可以睇到佢嘅勁Fit身材，唔知大家又鍾唔鍾意呢一Type呢？

IG：kkkkanon_m