自從上年「織田奈那」從欅坂46畢業後，就積極為事業打拼，相繼開設IG、TikTok、YouTube多個社交媒體分享日常增加曝光率，而佢首本個人寫真集《無賴派の純情》亦喺日前正式問世，一齊嚟欣賞下佢嘅作品！

今年23歲嘅「織田奈那」自細就嚮往成為偶像，並且非常鍾意AKB48、桃色幸運草Z、Berryz工房、乃木坂46等女團，直到2015年仲係高中生嘅佢就膽粗粗參加欅坂46試鏡，結果成功從2萬幾名應徵者中脫穎而出，成為1期生合格成員正式出道，直到2020年先畢業。

結束將近5年嘅偶像生涯後，「織田奈那」就開咗個YouTube頻道分享日常，經過苦心經營1年有多目前已獲得近7.4萬人訂閱，而佢今年更遠赴沖繩拍攝首本個人寫真，初次挑戰以水着以內衣造型示人，令Fans們同佢自己都感到驚訝。暫時未知佢會唔會繼續向寫真界發展，不過佢就想做演員多啲，希望佢可以成功啦。