香港久唔久就會有單新聞係某個男朋友喺條街到被女朋友打，作為男人見到呢啲當然係聞者傷心聽者流淚，亦都非常好奇點解無時無刻都宣揚自己係「拎唔到重嘢嘅柔弱女性」嘅香港女仔打人時會咁大力。又或者我哋應該慶幸打人嘅唔係呢位來自日本嘅「長野じゅりあ　」？

點解要慶幸？因為今年25歲嘅長野じゅりあ由5歲開始就學空手道，歷年黎獲得多個日本空手道比賽嘅「女子形」(即係套路，即係劉慕裳玩嗰隻) 獎項，目前係空手道黑帶二段。2011年亦因為佢出色嘅外表以及空手道資歷而參演劇集《Salvage Mice》加人演藝界。

後來長野じゅりあ去咗做腦外科護士，近年先重新加入演藝界，參演由永野芽郁等人主演嘅漫改劇集《地獄的花園》之外，亦有經營個人Youtube，當中有唔少運用到佢多年空手道經驗嘅動作內容，例如防狼術之類。就連佢近來為日本雜誌拍攝第一次水著寫真，都有張著住比堅尼飛踢嘅相呀。

Btw佢啲Friend都幾唔錯

當然，我唔係話長野じゅりあ學過空手道就一定會打人，但萬一真係要被人打，被個人又身材正嘅日本女仔好似著數啲？