啲人成日都話混血兒特別靚女靚仔，在於佢哋能夠融合兩種血統嘅長處，令個樣睇落零舍唔同。而今日介紹嘅「傳谷英里香」就係一個好例子，樣貌甜美得嚟，身材亦非常惹火。

今年25歲嘅「傳谷英里香」，曾經係偶像女團「BABYRAIDS JAPAN」擔任隊長，自女團解散後就單飛進軍演藝圈，喺日劇《Runway 24》扮演索爆空姐同朝比奈彩（水雞）同台演出。其後食住人氣推出首本個人寫真《sol》，以性感水着造型示人，展現初熟誘人S型身段。

由於「傳谷英里香」平時熱愛運動，籃球、游水、潛水樣樣皆精，所以練得一身完美身材，22吋纖腰並無多餘脂肪。加上生得甜美清秀，畀到人一種鄰家女孩感覺，笑起上嚟個份溫暖更充滿治癒力量，令人甜到入心。

資料來源：twitter@lespros_denchan、instagram@erika_denya