你知道世界上第四有錢嘅女性係邊個嗎？係Mackenzie Bezos，亦即係Amazon創辦人Jeff Bezos嘅前妻，所以有時好難怪有人會話女人可以靠嫁人二次投胎改變命運——但依家講男女平等係咪？所以呢啲機會唔一定女仔先有，男仔都可以有！而且你唔好以為我會介紹啲岩岩巉巉嘅有錢女過你，我要介紹嘅係呢個「橋本萌花」！

橋本萌花係近排為《週刊Playboy》拍攝泳裝寫真而爆紅嘅新進寫真女星，今年22歲嘅佢隻身去到日本東京開拓星夢，為咗開飯更加曾經做過Uber Eats——但你唔好畀佢呢啲行為呃到，因為佢老豆乃係日本連鎖拉麵店「ずんどう屋」嘅老闆，換言之佢係太子女(日文叫「社長令孃」)黎！

咁點解太子女要去送外賣，原因就係因為佢家教好，細細個媽媽就同佢講，「你老豆還你老豆，你自己還你自己，所以要靠自己闖出一番成績」，所以就算要送外賣都要去東京加入演藝界！