今次要同大家介紹嘅呢個「Novaruu」，係一個於Instagram、Twitter、Twitch直播以至Youtube都有一定觀眾嘅靚女，但除咗靚之外，佢仲有住非常戲劇化嘅人生，例如佢「從良」之前，其實係「Cam Girl」出身。

圖片：novaruu on Instagram

所謂Cam Girl，其實就係裸體直播。「Novaruu」於直播中曾經分享自己當初入行到上岸嘅經過，佢話佢11歲玩Minecraft時認識咗幾個男網友，呢班當時已經成年嘅麻甩佬就氹佢Send裸照，結果因為年少無知，加上自細家教甚為保守佢根本就唔知「裸體」同「性」究竟係咩一回事，佢就為咗「識朋友」而應承，從此令到佢有個非常唔健全嘅性觀念，到長大後為咗搵錢就加入Cam Girl行列，曾經一年搵到20萬美金。

但即使搵到錢，Cam Girl生涯令佢心靈非常空虛，結果誤打誤撞到入咗邪教，遇到衰人、又意外趺斷咗隻腳。身心靈受創、隻腳打住石膏都仲要開Cam，結果班麻甩佬淨係識叫佢除衫、張開腿，結果嬲嬲地就決定唔做Cam Girl，轉投主流直播嘅懷抱。

圖片：novaruu on Instagram

其實以「Novaruu」嘅姿色，著返衫都一樣咁養眼。我亦特別推薦大家去睇佢嘅直播精華，因為佢講嘢真係生動有趣，當練下英文Listening都好呀，話唔定將來有用架。