自從JW唱咗香港女生經典名曲《矛盾一生》之後，今年嘅一月尾、二月頭，各位巴打們嘅女伴，有無時不時就唱或者播俾你聽呢? 「矛盾只因深愛著，你知嗎?」，如果你聽到仲唔明白人地想講乜，我估嗰位女士好快會唱埋「我再沒勇氣向你講舊時，沒有勇氣相愛另一次」你聽。身邊嗰位美女俾咁多明示、暗示你，都係想喺情人收到一份稱心如意嘅禮物啫，如果你有足夠Budget送上呢對積家嘅Master Ultra Thin Moon，我保證99%嘅女士會轉唱「就這樣愛你愛你愛你，隨時都要一起」。

Jaeger-LeCoultre Master Ultra Thin Moon 39mm — #Q1362501 ($172,000)

積家錶向來係典雅男士嘅必備Collections，呢隻前年推出嘅月相，更是其中嘅經典之作。我地睇緊嘅呢隻男裝錶，Master Ultra Thin Moon 39mm，配備僅厚4.9mm嘅自動機芯，如此纖薄，但同時具備時、分、秒、月相加日期顯示，超卓工藝完全表露無遺。39mm錶殼以奢華嘅18K Rose Gold鑄造，上面鑲嵌80粒Round Cut碎鑽，共0.57ct，沉穩低調之餘亦不失華麗氣派，最緊要襯返上年推出嘅女裝版，絕對係Premium情侶錶嘅上佳選擇。

Jaeger-LeCoultre Master Ultra Thin Moon 34mm — #Q1252501 ($164,000)

上年剛剛推出嘅積家Master Ultra Thin Moon超薄大師系列月相腕錶玫瑰金款鑲鑽版，刻意同上面嘅男裝版本湊成一對，名副其實嘅有情人終成眷屬。女裝錶款Size較細，18K Rose Gold錶殼直徑34mm，上面嘅60粒碎鑽，約0.85ct。腕錶都係搭載返超薄嘅925/1型機芯，同樣係有時、分、秒、月相加日期顯示，與男裝款相互映襯，而成隻錶嘅厚度僅為9.2mm，配合埋蛋殼色錶盤、陽光形飾紋、鍍金時標，仲有奪目嘅紅色真皮錶帶，時刻盡展女性之優雅風範。

銷售點 : Elegant Watch & Jewellery, Shop 801-803, Times Square, Causeway Bay