時間本是虛無抽象之概念，存在於三維之外，捉不到亦摸不透。積家同設計大師Marc Newson將「時間」純綷簡約嘅一面塑造成一座全透明空氣鐘，既富有當代風格，亦憑時鐘運作，令人深刻感受到時間嘅流逝同生命力。

Atmos 568空氣鐘全透明嘅部份來自Baccarat水晶球體，驟眼睇機芯好似懸浮於空中，細心觀察可以見到其四點固定機制，而非傳統Atoms嘅三點，更具對稱之美。薄膜橋板經重新設計成交叉型，表面經磨砂處理，座鐘名稱飾以主調嘅藍色，而設計師嘅簽名則用橙色，低調之餘亦夠搶眼。

光影照射之下，機芯部分區域為亮面，當光線穿過水晶照射於金屬表面，呈現出嚟嘅起伏效果相當迷人。平衡擺輪經全新設計，其凹槽之凸齒表面採用啞光處理，凹口則為亮面處理，來回擺動之際，透過光線形成優美嘅圖案，融合工藝與自然之美，透徹晶瑩，賞心悅目！