小弟最近身體抱恙，要食藥禁酒，醫生特別警告，antibiotics再溝酒精真係會出事，唔係講玩，所以我呢個星期又要展開漫長嘅禁酒期。可怕的是，有啲飲酒嘅場合你仍然要出席，例如我前幾日就為咗同朋友飲嘢，禁酒期都去咗Ozone，但，唉，見到嗰幾杯Mocktail 真係好灰…….

隔離朋友飲緊Burgundy，我就飲緊杯叫「Lolita」嘅Mocktail，唔係話佢唔好飲，但感覺總是不對勁。同樣嘅煩惱，一樣會發生喺伊斯蘭教徒身上，教義清楚禁酒，守戒的話真係只能夠飲汽水…… 不過，德國慕尼黑嘅四季酒店就為咗佢地，出咗隻清真 ver. Sparkling Wine，俾班教徒慶祝節日飲宴時，都可以有酒喺手。

呢隻名為 Dinar 嘅氣泡酒，號稱係世上第一隻專為伊斯蘭教徒而設嘅 Sparkling Wine，為咗令味道更加近似真酒，製造商 Vigorous Trading 特登用石榴、棗嘅果汁去模擬嗰種果香，Wine 本身都係來自各種葡萄，本是同根生，相信味道差距都唔會話極大嘅。

不過，個人認為，無酒精同有酒精真係有次元級差距，因為我地飲酒，除咗風味，還要享受酒意，無咗酒精，何來微醺? 所以我都係乖乖待過禁酒期再從出江湖啦，各位酒友，等我!