20、30年代正正鐘錶界革命嘅時期，第一次世界大戰之後，為咗實用性同方便，啲男士就開始放棄陀錶而轉戴腕錶。最初嗰陣，啲製錶工匠響陀錶嘅兩側，焊接一舊拱形嘅物體，再於背面穿上錶帶，咁就變成咗可以戴嘅腕錶啦。

Heritage 1936 呢隻錶嘅復古 idea 就正正係玩呢個設計，啡色錶帶穿過焊接於錶殼嘅拱形扣。拆除咗錶帶之後，底蓋就可以開，睇到佢個手動上鏈機械機芯。45mm 錶殼，採用316L精鋼製造，藍寶石水晶錶面，防水深度50米。

錶盤設計都係懷舊到爆，Tissot logo、小時刻度都用啲vintage字體，兩隻黑色寶璣指針幼細尾尖，中間有個小圈，好有陀錶年代嘅感覺。下面6點位一個簡約風小秒盤，成個設計exactly係傳統玩法。

最吸引之處，零售價 HK$7,950 !