RIMOWA出嘅行李箱有幾高貴有幾貴大家都應該心中有數，好啦，依家話你知RIMOWA會出一個可以放到三隻錶嘅旅行錶盒，你估下要幾錢？

比多啲貼士你啦！呢個錶盒由德國設計意大利製造，外殼係RIMOWA標誌性嘅鋁，由是但一邊趟開之後就見到由極超細纖維布料包裹嘅頂層軼墊，再拎開就會見到三個放錶嘅凹位，每個又再配可移除嘅軟墊，保護性絕對足夠。而個錶盒外表採用極簡設計，除咗有RIMOWA字樣及防手滑嘅紋理之外就冇其他裝飾，低調中見奢華。

好啦，估唔估到佢要幾錢呀？答案係2,050…美金，即係近萬六銀港紙…我已經分唔出係買錶嘅人覺得皮幾嘢買多個盒冇咩問題、定係買得起呢個盒嘅人自然會搵到值得放入呢個盒錶…