大家成日聽到啲錶嘅牌子叫自己做「鐘錶」品牌，咁係因為歷史上鐘、錶都係報時必需嘅工具，只係一個拎得出得一個唔得咁解。問題係黎到21世紀，真係要睇時間，大家都會睇電話，機械「錶」都仲可以戴出街做身份品味象徵，機械「鐘」就真係想搵一個都難——但難，唔代表冇。HUBLOT最新就出咗個MECA-10機械鐘啦。

MECA-10原本係品牌於2016年1月推出嘅腕錶機械機芯，其鏤空結構令機械結構清晰可見，更令人讚嘆造錶工藝之精細。而MECA-10時鐘，基本上就係搵黎瑞士鐘表製造商L'ÉPÉE，一齊合作將MECA-10錶芯放大四倍，再放入一個精鋼殼入面，成為一個保留MECA-10所有機械結構，包括10日動力儲存顯示，但大小係19.6cm X 18.1cm嘅時鐘。

MECA-10時鐘仲有分成兩款，一款使用拋光緞面處理嘅精鋼及透明複合材質打造嘅圓環，另一款就換成黑色PVD塗層。(售價HK$357,500)。