潮流興韓國嘢，於是你出街見到好多韓仔頭、韓仔衫，就連你老婆 and/or 女朋友睇完《雖然是精神病但沒關係》都走黎同你講金秀賢好正，點解你唔可以著到佢咁？但作為一個男人，大概都係鍾意西裝筆挺，乾淨利落嘅紳士風，懷舊味道現代演繹，除咗熱少少之外簡直就係Perfect！就如Montblanc Heritage系列嘅脈搏偵測儀腕錶，同樣都係集懷舊與現代於一身。

圖片：Montblanc

自十幾年前Montblanc與Minerva合併，Montblanc就繼承Minerva百幾年製錶經驗，但同樣又以現代工藝完善技術，自製單按鈕計時機芯MB M13.21就係兩者合而為一嘅佳作，今次更用上鍍玫瑰金夾板和橋板，剩係隻機芯本身已經非常悅目。

反轉睇個錶面，29.5豪米18K玫瑰金錶殼中有弧形煙燻色漆面錶盤，夜光太妃式時針和分針、舊式國際公用電話風格的時標同樣鍍上18K玫瑰金，小錶盤內的棒形秒針和計時指針則為18K玫瑰金，再配上外圈的脈搏刻度和煙棕色Sfumato鱷魚皮錶帶，湊出一股濃厚的紳士氣息。

圖片：Montblanc

Heritage系列脈搏偵測儀腕錶限量100枚，售價為HK$254,500。