由於太好賣嘅關係，日本威士忌近年越黎越有「買少見少」嘅情形，部份熱門威士忌更加係有錢都未必買到。咁作為Fans就當然希望Nikka、Suntory等酒廠可以推出更多威士忌消化需求。結果Suntory真係出新「山崎」啦，但就係超級貴嘅限量版咁囉。

最新出嘅「山崎Single Malt 55年」係山崎出過陳年時間最長嘅威士忌，存放於日本水楢橡木及白櫟木桶中陳年55年，據Suntory首席調酒師福與伸二指，成品甜而帶木味，亦有成熟果香及持久餘韻。就算再膚淺啲淨係睇個玻璃樽呀，你都想試返啖啦係咪？但係好可惜，呢個機會相當渺茫。原因係「山崎Single Malt 55年」限量生產100支，建議零售價連稅已經要330萬Yen(約HK$23.6萬)，再加上要抽籤中咗先有得買，仲要有日本地址先可以登記去抽，可想而知最後流出市面嘅數量一定極度稀少，價錢亦一定有升冇跌。

講開人家連賣支酒都可以「國人優先」，點解我哋就…

Suntory